Einfalt ráð við offitu barna

Ég vitna í góða vinkonu mína sem er næringarfræðingur og að auki með víðtæka þekkingu varðandi aukaefni í matvælum og hræðilegar afleiðingar þeirra.

Í rauninni er þetta einfalt mál. Hættum að gefa börnunum okkar mat sem er stútfullur af eiturefnum!

Við gerum það þannig: Hreinsum öll aukaefni úr þeim mat sem boðið er uppá í skólum landsins og leikskólum - þar á meðal hvítan sykur, hvítt hveiti og ger. Bjóðum upp á ferskt lífrænt grænmeti í öllum matmálstímum - og frímínútum.

Hefjum allt skóla- og leikskólastarf á öflugum dansi og hoppi og skoppi í ca. 20 mínútur (í kjölfarið er rakið að taka 10 mínútna slökun og djúpöndun) og bjóðum svo upp á fræðslu fyrir foreldra þar sem kennt er hvenær verið er að eitra fyrir börnum (sem við erum því miður flest að gera daglega!) og hvað öllum lifandi verum er raunverulega fyrir bestu í mataræði - einfaldlega fjölbreytt næring án aukaefna!

Það er sorglegt til þess að vita hvað fáir gera sér grein fyrir þeirri staðreynd að á síðustu 10 árum hafa bæst við u.þ.b. 5000 tilbúin aukaefni í matvælaframleiðslu (!!!) - og matvælaeftirlitið leyfir ákveðið magn af hinum ýmsu tilbúnu efnum í meðhöndlun matvæla - en blandan af öllu þessu drasli hefur hroðalegar afleiðingar - m.a. offitu vandamál í heiminum - svo ekki sé minnst á alla þá alvarlegu sjúkdóma sem hrjá ungt fólk um allan heim.

Athugasemdir

[Linda Linnet Hilmarsdóttir, 30.7.2008 kl. 19:38]

[Laufey B Waage, 30.7.2008 kl. 21:34]

Býð mig fram sem aðstoðarráðherra (meina aðstoðarráðanda) þegar þú verður gerð að hæstráðanda til sjós og lands. Nú eða aðstoðarskólastjóra í skólanum þínum. Vá hvað við verðum flott teymi.

[Ingunn Valgerður Henriksen (IP-tala skráð) 31.7.2008 kl. 00:16]

svo er svo erfitt að eiga við fólk sem að kemur að börnunum manns og telja nammi vera að "dekra" en skilur ekki að það er bara ekkert dekur við það.  Sumt fólk bara skilur þetta ekki. Finnst óþægilegt að pæla í þessu og finnst þetta bara vera einn eitt sem að vísindin koma með og svo verði eitthvað annað sagt næst.

    En ég er algjörlega sammála þessu. Og það þarf að koma þessu allsstaðar að :) knús á þig og þína

  Kv frá Akureyrinni

[Ingunn Valgerður Henriksen (IP-tala skráð) 31.7.2008 kl. 00:18]

humm úff fljótfærnisvillu. En á að vera að sumum finnst óþægilegt að pæla í þessu og finnst þetta vera enn eitt dæmið sem að fræðimenn koma með en það sé alltaf að breytast. 

     
 

[Guðríður Sigurjónsdóttir (IP-tala skráð) 31.7.2008 kl. 00:56]

Virkilega áhugaverður punktur, hlakka mikið til að fá þig í samráð og fræðslu með okkur í nýja leikskólanum á Skaganum.  Þegar maður er að ræða þetta við foreldra verða þeir svo glaðir að þessi leið verði farinn í leikskólastarfinu og sé sett strax inn í stefnumótun hans.  það er að skapa rólegt og afslappað umhverfi með áherslu á hollt og sem ferskast og helst eiturefnalaust mataræði og Jóga. 

Takk fyrir allt sem þú hefur gefið okkur.

kveðja af skaga

[Sesselja Fjóla Þorsteinsdóttir, 2.8.2008 kl. 12:37]

Frábær færsla Edda !

[Ása (IP-tala skráð) 3.8.2008 kl. 00:00]

Ó hvað ég vildi að þetta allt gæti orðið Edda - þetta er svo innilega satt hjá þér!!!

Hérna eru skrif um sætuefnið Aspartam (meira að segja á íslensku) sem er troðið alls staðar inn í matvæli og fólki talið trú um að "sykursnauð" fæða sé svo holl:

http://www.smfi.is/media/misc/AspartamHalli.pdf

[Svanfríður Lár, 7.8.2008 kl. 01:51]

Sammála... Það er líka hollt að skella sér í halarófu niður Laugarveg á laugardag. Sjáumst é hamingjusamlegri gleðigöngu... kv. Maddit..