Edda Björgvinsdóttir

24.7.2008 | 10:48

Framtíðarsýn fyrir Ísland

Ef þeir sem völdin hafa væru ekki haldnir "skammsýnisblindu" væri framtíðarsýnin fyrir HREINA Ísland etv. þessi:

Lífræn ræktun um land allt!

Það blasir við að nóg eigum við af ónýttu landi - orku - hreinu lofti (ennþá!). Því ekki að reisa risa-gróðurhús á öllu því flatlendi sem fyrirfinnst og rækta ógrynni af grænmeti sem selt yrði um allan heim????

Þegar Bill Gates var spurður að því, fyrir margt löngu, í bandarískum spjallþætti hvaða "buissness" hann myndi veðja á ef hann væri að hefja feril sinn núna, þá leit hann á þáttastjórnandann og sagði eins og öll heimsbyggðin ætti að vita svarið: "Organics of course!"

Að sjálfsögðu er lífrænn lífsstíll framtíðin - það vita allir sem ekki eru haldnir skyndigróðagræðgi.

Hér á Íslandi á auðvitað að veita miklu fjármagni til uppbyggingar lífræns landbúnaðar og endurskoða öll áform um mengandi stóriðju - því hver vill kaupa lífrænar afurðir af þjóð sem er í flokki mest mengandi þóða heims?? Það er því miður framtíðarsýn Íslands ef öll þau álver og olíuhreinsunarstöðvar og allur sá hryllingur sem er á döfinni, kemst á koppinn.