San Diego

Mikið hlakka ég til að komast í sólina í San Diego! Ég held að ég hafi aldrei upplifað jafn "önuga" veðurguði .... viku eftir viku! Það hefur varla verið hundi út sigandi frá því að ég lenti hér á uppáhalds landinu mínu í janúar. Ég er satt að segja alveg búin að fá nóg af því að brjótast á milli áfangastaða í jöklagalla .. með hjálparsveit skáta á línunni!

 Ég hlakka líka til að geta sest niður og haldið áfram að skrifa ritgerðina mína. Það hefur því miður ekki gefist ein mínúta til að opna það skjal í tölvunni minni!  

Þegar ég kem aftur verður farið að vora - vonandi verðið þið öll komin í stuttbuxur og sandala þegar við sjáumst aftur.

Vegni ykkur vel í hálkunni - ég verð úti að spranga í stuttermabol annað kvöld ... noní noní noní!

Athugasemdir

[Laufey B Waage, 10.3.2008 kl. 22:20]

Vá hvað ég væri til í að vera núna á leiðinni til Suður-Kaliforníu. Njóttu þess mín kæra.

[Helguráð, 11.3.2008 kl. 00:48]

Gangi þér vel með ritgerðina.  Njóttu þess bara í botn að vera í sólinni.

Kveðja Helga

[Guðrún Jóhannesdóttir, 11.3.2008 kl. 13:37]

æ já sólin

það vorar fyrir rest...

vona ég

[Bjarndís Helena Mitchell, 12.3.2008 kl. 03:00]

Hafðu það sem best þarna úti, vonandi fara veðurguðirnir að skipta um ham hér heima.

[Svala Erlendsdóttir, 12.3.2008 kl. 18:12]

Nú fer ég bara í stuttbuxurnar, kveiki bara á gleðiljósinu og nuddsætinu sem ég gaf kallinum mínum ein jólin í jólagjöf, pressa mér ferskan appelsínusafa með regnhlíf og röri og þykist vera í útlöndum

[Agnes Ólöf Thorarensen, 12.3.2008 kl. 23:42]

Njóttu þess í botn og gangi þér vel með ritgerðina..

[Ragnheiður Ólafía Davíðsdóttir, 14.3.2008 kl. 23:38]

Nú eru að verða 20 ár frá því Áhugahópurinn ruddi brautina í söfnunarátaki í sjónvarpi. Hvernig væri að blása lífi í hópinn okkar góða og gera eitthvað skemmtilegt á næsta ári. Var þetta ekki í september árið 1989? Baráttukveðjur.

[Lilja Guðrún Þorvaldsdóttir, 15.3.2008 kl. 16:15]

Ohhh, hvað ég öfunda þig í sólinni, þó að þú þurfir að skrifa s.s. einsog eina ritgerð!!!.,  þá ertu jú samt í hita, og sól.  Og að auki með stóran part af fjölskyldu þinni hjá þér núna.  Þó að þú skrifir og skrifir,  hvílirðu þig inn á milli, og nýtur stunda með börnum og barnabörnum.  Ég heyri alveg í huganum, skellinn í hlátursgusunum frá ykkur, fjölskyldunni, það er svo gaman að njóta samvista ykkar.   Kær kveðja til ykkar allra elskurnar og hafið það gott.   P.S. -  Heyrðu, var það ekki strax haustið '88, eftir auglýsingasumarið mikla.  Sem við renndum okkur í þáttinn? Eða????

[Sesselja Fjóla Þorsteinsdóttir, 16.3.2008 kl. 23:19]

Njóttu vel..en sko nú er komið vor.

[Tiger, 20.3.2008 kl. 16:13]

  Uss já.. Veðurguðirnir hérna hafa sannarlega verið að ausa úr sér hinum skrýtnustu týpum af ofankomu - eins og oftast svo sem. Reyndar hefði ég alveg verið til í meiri fastan snjó og létt frost, frekar en allar þessar umhleypingar...

Ég er handviss um að þú átt eftir að njóta sólarinnar, rétt eins og ég er viss um að sólin á eftir að njóta þín! Hafið það gott þarna úti og gangi ykkur allt í haginn ljúfust.. Páskakveðja og knúserí á íslenska vísu.

[Linda Linnet Hilmarsdóttir, 20.3.2008 kl. 23:42]

Gleðilega páska elsku Edda mín og fjölsk.

[Pétur Björgvin, 21.3.2008 kl. 09:30]

Hlýjar kveðjur úr snjónum á Akureyri - er stefnt á útskrift í vor eða haust?

[Díta (IP-tala skráð) 21.3.2008 kl. 20:09]