Tíminn flýgur

Mér finnst ég rétt nýkomin hingað til Kaliforníu - var að setjast niður til að skrifa ritgerðina mína - svo eru allt í einu komin jól!!!!! Þetta er aldeilis ótrúlegt. Sérstaklega þar sem allir í kring um mig eru á stuttbuxunum að versla jólagjafir. 

Ég veit um B&B gistingu hér í þessu dásamlega hverfi - La Jolla, San Diego ef þið viljið prófa að sleikja sólina í dásamlegu umhverfi eftir áramót (án þess að borga rándýrt hótel).

Ég get ekki sagt að ég hlakki beinlínis til að koma heim í íslenska janúarveðráttu - en það er samt eitthvað "dramatískt" við veturinn heima.

Þakkargjörðarhátíðin er í næstu viku og Íslendingarnir á svæðinu ætla að hittast og borða saman kalkún (lífrænan!) og meðlæti. Mitt framlag er meðlæti sem ég er sérfræðingur í að búa til: sætar kartöflur skornar í bita, baðaðar í þykkri hvítlauksolíu og steiktar í ofni - ótrúlega gott.

Athugasemdir

[Sigríður Jónsdóttir, 18.11.2007 kl. 18:20]

Sæl Edda.

Það væri frábært að fá hjá þér uppskriftina að sætu kartöflunum ef þú hefur tíma og vilt ljóstra upp fyrir okkur uppskriftini.

kv Sirry 

[Svala Erlendsdóttir, 18.11.2007 kl. 19:45]

Jamm.... mæli með því að þú skellir sætukartöfluuppskriftinni inn til að við getum vegið og metið og étið

[Cerebellum, 18.11.2007 kl. 21:18]

Hæ Edda

Takk fyrir að samþykkja mig í vinahópinn, ég er systir hennar Garúnar og það er alltaf jafn gaman að lesa bloggið þitt

Njóttu hitans á meðan þú getur... það er nefnilega allt gaddfreðið hér á klakanum !!

[Laufey B Waage, 19.11.2007 kl. 09:28]

Ef ég hefði verið í þínum sporum - og haft val um árstíð, þá hefði ég frekar valið að vera í Kaliforníu frá áramótum og fram á vor. Eini tíminn sem mér finnst óyndislegur á Íslandi. Hins vegar má segja að þú hafir verið heppin, því íslenska veðrið þetta haustmisserið hefur verið með verra móti. Svo fyllast auðvitað allir sól í hjarta þegar þú mætir aftur á klakann- og þú getur notið þess að baða þig í því sólskini. Gangi þér vel með ritgerðina og njóttu lífsins á stuttbuxunum.