Jólagleði

Hvernig getum við látið okkur líða vel á aðventunni - þrátt fyrir eymdarástand það sem valdamenn þessa lands hafa skapað?

Tillaga 1:

Byrjum hvern einasta dag á því að þakka fyrir allt sem við eigum.

Tillaga 2:

Gerum eitthvað góðverk á hverjum degi - helst án þess að nokkur viti af því.

Tillaga 3:

Syngjum hátt og af innlifun a.m.k. tvisvar á dag.

Tillaga 4:

Hittum vini okkar og ættingja eins oft og við mögulega getum.

Tillaga 5:

Förum á alla markaði sem í boði eru á aðventunni.

Tillaga 6:

Förum á alla tónleika sem í boði eru á aðventunni.

Tillaga 7:

Skellum okkur á jólamarkað á Sólheimum - það er ómetanlega andleg næring að vera innan um gleðigjafana þar!

Athugasemdir

[Anna Ragna Alexandersdóttir, 1.12.2008 kl. 18:17]

Hvað ekkert að selja í dag.

[Birna M, 1.12.2008 kl. 21:10]

Veistu - var einmitt að hugsa þetta í dag, þegar úr hvað minnstu er að spila hjá mér. Ákvað að gefa allavega eina aukajólagjöf í Pakkajól. Síðan að gefa smávegis á jólamarkaði og bara njóta fjölskyldunnar og vinanna á aðventu og jólum. Þakka þér fyrir þessa færslu. Þrátt fyrir allt eru margir sem hafa það verr en ég og ég man líka sjálf eftir jólum í sárustu fátækt. Við höfum þó alltaf þá sem okkur þykir vænt um hjá okkur og það telur nokkuð.

[Laufey B Waage, 2.12.2008 kl. 09:21]

Ég elska aðventuna!! . Þá líður mér alltaf vel, þrátt fyrir annir (og stundum smá svefnleysi). Reyni að muna að kíkja á tillögurnar þínar aftur eftir áramót, þó ekki verði þá eins mikið um tónleika og markaði. Þakkir, góðverk, söngur og samfélag standa alltaf fyrir sínu. - Og svínvirka. Takk fyrir áminninguna. - Njóttu aðventunnar mín kæra .

[Þórgunnur R Vigfúsdóttir, 2.12.2008 kl. 12:23]

þetta er náttúrulega dásamlegasti tími ársins og færslan þín góð áminning fyrir okkur öll, munum líka að njóta þess sem við höfum ekki alltaf vera að fárast yfir því sem við höfum ekki.

[Bryndís Eva Vilhjálmsdóttir, 2.12.2008 kl. 19:42]

Er einmitt á leið á jólatónleika í Fíladelfíu og hlakka til

kær kveðja til þín.

[Sigrún Óskars, 3.12.2008 kl. 10:36]

Góð áminning Edda - þú ert bara dásamleg

[Jóhann G. Frímann, 4.12.2008 kl. 21:08]

Þú ert gleðigjafi og svakalega jákvæð Edda. Þú ættir að tappa jákvæðninni og gleðinni á flöskur, selja og verða rík. Ég panta eina flösku á dag í bindandi áskrift.

[Ingunn Guðnadóttir, 9.12.2008 kl. 18:25]

Takk fyrir þetta:)

[Sólveig Klara Káradóttir, 13.12.2008 kl. 22:44]

Frábær ábending og einmitt það sem nærir sálina. Ég myndi vilja bæta inní að dansa, hoppa og skoppa daglega, má syngja með á sama tíma

Takk fyrir Edda, þú ert bara frábær!